Isbedelka cimilada shuruuc ku aadan oo maanta la soo bandhigay

Jimco 28 Juunyo 2019 JSN: Isbedelka cimilada iyo saamaynta ay ku leedahay adduunka ayaa maanta dowlada R/wasaare Mark Rutte III ay soo bandhigtay iyadoo marar hore dib loo dhigay in la soo bandhigo arrimo badan oo jiray aawadeed.

Qorshaha isbedelka cimilada ayaa dowlada soo galisay shabakada internet-ka iyadoo ka kooban 239 bog, halkaan ka dajiso oo akhriso

Iyadoo aan ognahay in cimilada waligeed isbedeli jirtay oo maalin la mid ah maalin kale aysan jirin marka laga fiiriyo isbedelka cimilada ayaa haddana waxaa soo ifbaxaayo in isbedelka cimilada in ay isbadasho iyo inkale aysan ahayn mid bani aadamka uu xukumo ee ay tahay awood Alle maadaama aan nahay Muslimiin. Dadka intiisa kale ee garaadka lehna ay ogyihiin.

Su’aalaha la isweydiin karo ayaa ah ma dowlada ayaa xukunta kownka mise Alle, jawaabta su’aasha waa Alle kor ahaaye, maxaa kalifay in mowduucaan dowlada, siyaasiyiinta iyo culumada sayniska maxay u xiisaynayaan maadaama ay ku hungoobeen oo ay wax ka qaban waayeen arrimihii loo igmaday ee maamul cadaalad ah.

Waxaa sida ku cad warbixintaan ay sheegaysaa in isbedel lagu sameeyo tiknoolajiyada adduunka jirto oo dhan sida

Isticmaalka

  • Shidaalka noocyadiisa kala gedisan
  • Gawaarida iyo shidaalka ay isticmaalaan
  • Diyaaradaha iyo shidaalka ay isticmaalaan
  • Maraakiibta iyo shidaalka ay isticmaalaan
  • Warshadaha iyo shidaalka ay isticmaalaa
  • Guryaha iyo kululaytooda waqtiga qaboobaha

Isbedelkaan wuxuu saameeyn ku yeelan doonaan dhamaan shicibka reer Nederland yar iyo weeyn xagga dhaqaalaha oo dowlada ay soo rogi doonto sharciyo cusub oo dadka ku qasbi doona in ay isticmaalaan in la isticmaalo [Renewable Energy] waxay ugu yeereen ee sida Qorraxda, Dabaysha oo sida aad meelo badan oo Nederland ku arragtaan in ay jiraan marawaxadaha wareega ee dabaysha koronta looga dhaliya ee loo yaqaan Windmills, iyo Solar Energy/ panels ama muraayadaha cadceeda quwada korontada ka dhaliyo.

Dad badan ayaan awoodin in ay iibsadaan gawaarida korontada ku shaqeeyo oo ay dowlada iyo shirkadaha sameeyo u gurbaan tumayaan iyagoo ku andacoonayo in ay adduunka cimiladiisa ku badbaadinayaa taasoo xaqiiqda ka fog ee ah oo kaliya sidii xoolaha iyo qaniimada shicibka Nederland loogu caburin lahaa.

Sharikadaha waaweeyn ee sameeya tiknoolajiyadaan ayaa dowlada balanqaadyo dahsoon oo aan horay loo sii shaacin dowlada uga codsadeen in ay dowlada dar dargaliso sidii sharciyo dadka ku qasbaayo in la isticmaalo tiknoolajiyada sharikadahaan sameeyo marawaxadaha dabaysha ka dhaliya korontada, muraayadaha cadceeda  u badala quwada korontada iyagana iyadoo marmarsiiyo laga dhiganaayo waxaan badbaadinaynaa cimilada iyo jiilka danbe ee naga danbeeyo.

Renewable Energy Quwadaha dabiiciga
  • There are many forms of renewable energy . Most of these renewable energies depend in one way or another on Sunlight. …
  • Solar. …
  • Wind Power. …
  • Hydroelectric energy. …
  • Biomass is the term for energy from plants. …
  • Hydrogen and fuel cells. …
  • Geothermal power. …
  • Other forms of energy.
Quwadaha laga dhaliyo ama laga helo dabeecada waxaa ugu weeyn quwada laga helo cadceeda ama qorraxda, Dabaysha, biyo dhacyada, quwada laga dhaliya qashinka dhirta[Biomass], Haydarojiinka, Geothermal iyo quwada Nukliyeerka

Quwadaha Alle ku manaystay  dadka iyo duunyada adduunka ku nool oo raxmadiisa, khadarkiisa iyo dulqaadkiisa aan ku helno qaarna waa kuwa noo cad qaarna waa kuwa xigmadooda iyo aqoonteeda aan ogayn cidii uu Alle garadsiiyana ay garankarto cidii uu Alle ka jeedsana aysan waligeed heleyn.

Quwadaha dabiiciga ee Alle dadka iyo duunyada ku manaystay waa kuwa wanaagsan in la iscticmaalo laakiin la iskuma halayn karto maadaama ay ku xirantahay ilaysa cadceed iyo dabaysha oo labadooda ay isbdedelaan iyadoo ku xiran hadba xilliga lagu jiro. Maalmo ay dabaysha xawaaraheeda sarayso ayaa jirto iyo maalmo dabayshu ay istaagto, sidoo kale ilayska cadceed mar mar ayaanba la arag waxay dhaliso daaye. Waxaa  kaloo intaas dhaafsiisan tiknoolajiyada quwad ka dhalinta quwadaha dabiiciga wali ma gaarin horumar la isku halayn karo oo wali kobcin badan ayaa u dhiman oo aan wali la gaarin.

Baadigoob Haniya oo 12 jira ah Nederland: Amber Alert Hania

Jimco 28 Juunyo 2019 JSN: Biliiska Nederland ayaa baadigoobaya gabar yar oo 12 jir ah oo magaceeda lagu sheegay  Haniya [Hania] sida ku cad baadigoobka biliiska in la yiraa. Waxaa la la yahay illaa shalay  Khamiis oo ay bishu ahayd 27/06/2019. Haniya waxay deganayd oo iskool ka dhigata magaalada Rotterdam. Wixii faahfaahin ah ka fiirso sawirka hoose

 

 

 

 

Joornaalka Soomaalida Nederland

www.somculned.nl

Safiirka Maraykanka Nederland iyo Muslim Nacaybkiisa Akhriso

Khamiis  27 Juunyo 2019 JSN: Safiirka Maraykanka ee Nederland Mudane: Pete Hoekstra ayaa u gudbiyey dowlada Nederland ee  R/wasaare Mark Rutte in looga baahanyahay dowlada Nederland in ay ciidamo geeyso wadanka Suuriya lagula dagaalamayo Daacish ama IS.

Mudane Pete Hoekstra oo horay  waalidkiis  sannadihii 1950  oo ku aadan shan sanno ka dib markii uu dhamaaday dagaalkii 2 aad ee adduunka oo Yurub inteeda badan ku burburtay dowlada Maraykankana ugu yaboohday gargaarkii dib u dhiska ee loo yaqaanay Marshal  Plan.  Pete Hoekstra isagoo  3 jir ah ayay waalidkiis isaga haajireen Nederland oo dhibaatooyin dhaqaale iyo kuwa kuwa bulshadeed haysteen.  Pete Hoekstra oo saaxiib la Madaxweyne Donald Trump ayaa sannadkii tagay loo magacaabay in uu safiirka Maraykanka ee Nederland noqdo.

Pete Hoekstra wuxuu ku bilaabay fadeexo ka gadaal markii la oggolaaday in uu telefishinka Maraykanka been abuur weeyn ka sheegay isagoo leh  magaalooyinka iyo siyaasiyiinta Nederland oo la oo dad Muslimiin ah gubeen xaafado iyo magaalooyin aan la gelin karina ay jiraan taasoo been abuur ah. Pete Hoekstra nacaybka uu u qabo Muslimka iyo Muslimiinta intuu is celin waayey been abuur heerkaan gaarsiisan ku dhawaaqay. Waxay ku tusaysaa in uusan ahayn siyaasi khibrad leh oo yahay mid lagu keenay jagada uu hayo naas nuujin qaraabo kiil

Waxaa fadeexo midaan la mid ah ay ku dhacday Safiirka Maraykana wadanka Ingiriiska Mudane Woody Johnson oo isna siyaasad in la qariyo ahayd si cad uga sheegay warbaahinta Ingiriiska taasoo keentay fadeexo hor leh ka dib markii uu safiirka   uu yiri mar la waraysanaayey in wasaarada Caafimaadka Ingiriiska ee marka la soo gaabiyo loo yaqaan NHS in ay miiska saaran tahay taasoo micnaheeda ahaa in shirkado si gaar ah looga leeyahay Maraykanka gacanta loo gelin doono taasoo ka abuurtay wadanka Ingiriiska  qaylodhaan shicibka ah.

Fadeexada Maraykanka iyo Fircoonka madaxda looga dhigay ayaa caadaystay in uu ku xadgudbo si bareer ah sharafta iyo cisada dadka Muslimiinta ah iyo diintooda iyadoo taliskiisa ku guuldaraystay in uu wax ka qabto dhibaatooyinka iyo fakhriga ka jira wadanka Maraykanka oo shaqo la’aanta badatay khatarna ku ah nabadgalyada iyo nabad u wada noolaanshaha shucuubta adduunka.

Fircoon Trump ayaa mar uu booqasho ku tagay wadanka Ingiriiska dhawaan kula kulmay boqorada wadanka Ingiriiska waxyaabihii laga wadahadlay oo aan cidna loo sheegin ayaan markii aan falanqaynay waxaa ka mid ahaa in Maraykanka uu rabo in lagu wareejiyo wasaarada caafimaadka Ingiriiska ee NHS iyo dagaalka qorshihiisa la wado ee lagu doonayo in lagu qaado Iiraan. Wadamada Khalliijka oo uu Sacuudiga hormuud u yahayna ay diyaar la yihiin wixii dhaqaale ku baxo ayna iclaamin doonaan in dagaalka ay dhinacooda ka geli doonaan iyadoo Sacuudiga loo xilsaaray in uu abuuro dagaal diimeed Shiicada iyo Suniga la isaga horkeenaayo taasoo cawaaqib xumo weeyn u keeni doonta Muslimiinta ku nool khaliijka Carabta.

Waxaa hubaal ah in aysan dan ugu jirin in dagaal ka dhaco  bariga dhexe maadaama  shidaalka dhaqaalaha intiisa badan ku tiirsanyahay adduunka oo dhan, haddii uu dhaco dagaal wuxuu noqon doonaa mid lagu hoobto oo wadamo badan oo khalliijka Carabta ka tirsan noqon doonaan kuwa  taariikhda ka gala in ay mar uu jiri jireen.

Waa socotaa ………………

JSN

 

Dacaayada Muslimka iyo Muslimiinta ee dowlada Nederland iyo Warbaahinteeda

Arabco  26 Juunyo 2019 JSN: Xafiiska dhexe ee tirakoobka Nederland ee loo yaqaan Centraal Plan Bureau = CPB ayaa warbixin lagu faafiyey warbaahinta Nederland ku sheegtay  ay ku weydiisay shicibka Nederland iyadoon carabaabin tirada dadka ay waraystay inta ay la eg yihiin ayaa sheegtain in dhaqanka Nederland aqalka boqortooyada Nederland, habeenka oday SinterKlaas, bishkileetiga

Warbixinta laguma sheegina mana caraabaabin Aqalka boqortooyada iyo boqorka Nederland oo ku helay jagadaan hooyadiis oo boqorod ahayd oo kaliya, laakiin aan ku helin codayn, karti,aqoon adduun iyo mid diimeed ee aana waafaqsanayn dimoqraadiyada qarniga 21 aad ee ay reer Yurub ummadaha kale ku qasbaan balse iyaga dhagaha ka owtay oo xoog ku haysta

Warbixintaan oo lagu sheegay in ay ahayd mid cilmiyeysan oo ay dad khubaro ah sameeyeen. Laguma carabaabin khubarada iyo magacyadooda iyo aqoontooda heerka ay gaarsiisantahay iyo qaabkii ay u sameeyeen warbixintaan cilmibaarista ah iyo tiro koob cad.

Warbixinta ayaa sheegtay sida saakay lagu faafiyey joornaalada iyo telefishinka  in dadka waraysiga laga qaaday ay sheegeen in waxyaabaha ay u arkaan in khatar iyo carqalad ku tahay dhaqanka Nederland ay yihiin  kala saarka iyo qoqobka bulshada Nederland iyo diinta Islaamka.

Waxaa ayaan daro ah in Nederland uu ka jiro xisbi ka mid ah siyaasada Nederland oo howlgalkiisa uu noqday Muslim nacaybka dadka Muslimiinta iyo diintooda iyadoo dhibaatooyinka ka  jira wadanka Nederland aysan ahayn dhibaato diimeed ee ay tahay dhibaato dhaqaale. Waxaana tusaale kuu ah in Muslimka iyo Muslimiinta cid ku matasha masraxa siyaasada aysan jirin taasoo aan cadaalad ahayn ahna mid lagu rabo in lagu wiiqo, sharafta iyo cisada diinta Islaamka iyadoo aan loo oggolaan dadka Muslimka ah iyo Muslimiinta oo laga tiro badan yahay dhulalkoodiina laga soo barakiciyey markay yimaadeen Nederland iyo meelo kale oo ka tirsan wadamada Yurub iyo adduunka intiisa kale warbaahinta iyo siyaasiyiinta ay bartilmaameed ka dhigteen in ay dambiyada ay iyaga sameeyeen ay dadka ku mashquuliyaan iskana indha tiraan xaqiiqda dhabta ah ee dhibaatooyinka Yurub haysta in ay san ahayn mid diimeed oo ay dadka diimahoodii dayaceen kanisaadihiina cid aado loo waayey. Lakiin xaqiiqda dhabta ah ay tahay dhibaato dhaqaale iyo dowladii oo ka soo bixi wayday arrimihii loo igmaday ee ah shaqo abuur iyo xoolaha shicibka in ay si cadaalo ku jirto ugu hayaan.

Akhristoow waxaa hubaal ah haddii aad ku hadasho Afka Soomaaliga ama aad baratay  in dhibaatooyin badan kula soo darseen oo aad mar marka qaarkood isweydiiso ma waxaa duullaan lagu yahay jiritaankaada taasoo ah mid sax ah. Ceel kuuma qodna Cidna kuuma maqno. Waxaa ayaan daro ah iyo siyaasiyiinta iyo siyaasada Midowga Yurub, Maraykanka ay isugu soo biyo shubatay oo ka dhamaan waayeen dadka laga tirada badanyahay ee loo yaqaan Minoraty oo siyaasadaha guracan, ku takrifalka awooda ay noqotay mid ay marinhabaabiyaan shicibka dhaladka ah mowjado siyaasadeed oo ka dhan ah dadka soogalootiga ahna mar walba la iclaamiyo iyadoo xaqiiqdda ka fog.

 

 

 

Xiriir la leh qormadaan: Warbaahinta iyo dowladihii hore ee Nederland sida ay uga soo horjeedeen Jaaliyada Yuhuuda Nederland is barbardhig samee fiirso

 

 

 

Shirkada Tareenada Nederland NS oo magdhaw dhaqaale u oggolaatay siiso dhibanayaal: Yaa waaye Akhriso

Arabco  26 Juunyo 2019 JSN: Shirkada tariinada ee Nederland ee marka la soo gaabiyo looga yaqaan Nederland  Nederlandse Spoorwegen = NS ayaa oggolaatay  in ay siiso magdhaw eheladii Yuhuuda Nederland ee ay tareenadeeda ugu masaafurisay xerooyinkii lagu xasuuqay 102,000 Yuhuudii Nederland.

Wadanka Jarmalka oo ay majaraha dowlada Jarmalka u haysay dowladii  Hitler ayaa qabsatay wadanka Nederland iyo  wadamo kale oo Yurub ah dagaalkii labaad ee adduunka sannadihii  sanndihii 1939-45. Jarmalka ayaa ku guulaystay in uu qabsado qaarada Yurub dhamaanteed marka laga reebo wadanka Ingiriiska oo mucaaradyadii iyo jabhadihii reer Yurub oo dhan u carareen iyadoo halkaas ka soo wada jabhadeeyey.

Todobaatan iyo shan sanno ayaa laga joogo waqtigii Yuhuuda Nederland looga tarxiilay Nederland iyagoo la isugu geeyey xerooyinkii xasuuqa oo ay ugu caansanayd Awshwitis, Birkanaaw  iyo wesborko. Waxaa hubaal ah in  hadafka ay dowladii Jarmalka ee Naasiga ahayd ee uu madaxa ka ahaa Hitler ku doonaysay in ay ku xasuuqdo  Yuhuuda degan Yurub oo dhan illeen Yurub dhamaanteed ayaa hal meel la isugu keenay si loogu xasuuqo. Arrintaan ayaa illaa maanta la isku khilaafsanyahay.

Shirkada tareenada Nederland ayaa ugu dambayntii oggolaatay in  ay siiso magdhaw dhaqaale ah ehelada dadkii Yuhuuda Nederland ee nool raalligelina ka bixiso.

Guddi loo xilsaaray in ay soo baaraan dhacdadaan oo uu madax u yahay duqii hore ee magaalo madaxda Nederland  Amsterdam Mudane Job Cohen oo qudhiis Yuhuud ah ayaa sida lagu faafiyey warbaahinta Nederland lagu sheegay in shirkada tareenada Nederland ee NS  ay diyaaar u tahay in ay siiso magdhaq lacageed eheladii dadkii tareenadeeda lagu qaaday ee lagu xasuusay xereooyinkii Westerbok iyo Awshwits.

Shirakda tareenada Nederland [NS] ayaa sida lagu helay baaritaan ka heshay dhaqaale dhan 2.5 milyan Yuuro lacag lagu khadaray. Sanndkii lasoo dhaafay ee 2018 ayaa madaxa NS Mudane Roger van Boxtel gudi madax banaan sameeyey si ay u soo baaraan dhacdadaan murugada leh 102.000 Yuhuudii Nederland ay shirkada ugu tarxiishay tareenadeeda iyagoo la geeyey xerooyinkii xasuuqa Yuhuuda ee ay ugu caansanayd Auschwitz, Birkanau, iyo Weterbork.

Jaaliyada Yuhuuda Nederland oo tiro ahaa ka yar Soomaalida Nederland ayaa ah bulsho isku xiran si fiicana ugu milmay siyaasada, dhaqaalaha, waxbarashada iyo warbaahinta ayaa ah arrin mudan in Soomaalida Nederland ay sidoo kale ay geedi socodka bulshada Nederland ka qaybqaataan oo dhulkoodiii, dadkooda iyo dhaqankooda illoobin.

Xiriir la leh qormadaan: Salo Muller oo eheladiisa lagu xasuuqay xeryaha xasuuqa

Borobogaandadii Warbaahinta  Nederland ee Yuhuuda lagu dacaayadayn jiray oo u dhiganta dacaayada Muslimka lagu haayo

Haddii markaad akhriso qoraalka qabto  su’aalo, talo soo jeedin fikradcelin iwm ah, fadlan halkaan noogu soo gudbi adigoo mahadsan

Joornaalka Soomaalida Nederland

www.somculned.nl

Ninkii qayrkiis loo xiirayoow adna soo qoyso,

Dowlada Kheyrlaawe iyo Farmaajo oo sidii lagu ogaa si ka gedisan la yimid oo dharkii soo dhigtay iyadoo weeraro iyo xadgudubyo ka dhan ah kula kacay xildhibaano ka tirsan dowlada federaalka Soomaaliya iyagoo wadankii ka dhigay wax ay iibsadeen iyagoo howlgalo si qarsoodi ah sharikado iyo dowlado la galay saamilayaalna ka ah.

Xasuuqihii reer Koongo wax ka baro sooyaalka gumaystayaasha Afrika hore iyo kuwa maanta

Khamiis 23-Nofeembar-2017 : JORSOMNED: Waxaa hubaal ah bulshadaan sooyaalkeeda wax ka ogaan waxay u badantahay in khaladkii dhacay ay dib ugu dhacaan.  Xaqiiqda maanta waa sooyaalka berito jiilka nool waxay ka dhaxlaan waalidoontood sooyaalka si ay wax uga bartaan sooyaalka.

Leopold II wuxuu ku dhashay magaalo madaxda wadanka Beljamka ee  Burukselis sannadkii 9-Abriil- 1835.  wuxuu ka dhashay reer boqortooyada Beljam ah,  wuxuuna  noqday  boqorkii labaad ee dhaxal ahaan ku helay booska  boqortooyada Beljam.  wuxuuna boqor ahaa intii u dhaxaysay 1865 illaa 1909.

Leopold 2 wuxuu ka soo jeedaa abtirsiyo ahaan reerka  la yiraa  [The House of Saxe-Coburg and Gotha].  Waa  abtirsiiyo ay ka soo jeedaan dhamaan boqortooyinka Yurub intooda badan.

Abtirsiiyahaan waa mid abtirsi ahaan Jarmal ah. laakiin boqortooyinka Yurub oo dhan iyagoo Jarmal ku abtirsada hadana waxay xukumaan wadamo aan Jarmal asal ahaan ka soo jeedin oo ay xoog iyo xeelad ku heystaan.

Nowadays in Europe there are 10 monarchies:

  1. Belgium,
  2. Denmark,
  3. Liechtenstein,
  4. Luxembourg,
  5. Monaco,
  6. Netherlands (Holland),
  7. Norway,
  8. Spain,
  9. Sweden
  10. UnitedKingdom (aka Great Britain).

Waa mid mudan in dadka ku hadla afka Soomaaliga ay wax ku ogaadaan xaalka siyaasadeed iyo midka bulshadeed ee Yurub ka taagan. Waxaa la sheegaa in dimoqraadiyo wax lagu doorto shicibkana ay doorasho wax ku doortaan maadaama boqorada iyo boqortooyada Yurub ay ku haystaan xukunkooda mid dhalyo ah ama dhaxal oo cidna aysan dooran, halka adduunyada kale loogu sheekeeyo in ay dimoqraadiyada u hogaansamaan.

Wadanka Ingiriiska oo lagu xukumo dastuur boqortooyo cid ka sareysana aysan jirin boqortooyada. Reerka boqortooyada waxay ka soo jeedaan [Saxe-Coburg iyo Gotha] oo asal ahaan Jarmal ku abtirsada. aqalo  Boqortooyada Ingiriiska waxay magaca [Saxe-Coburg iyo Gotha]u badaleen dagaalkii dhamaadkii dagaalki 1 aad  [1914-1918]  ee adduunka ka hor intuusan dhamaan sanno ka hor House of Windsor sannadkii 1917  iyagoo ka cabsi qabay in lagu kaco maadaama magaca [Saxe-Coburg iyo Gotha] Jarmal ahaa.

Xiriir la leh qormadaan